संघर्षनायक वृत्तसेवा (दि.०९)
दौंड तालुक्यातील यवत येथील एक महिला आपल्या मुलीसोबत यवत वरून राहू येथे जात असताना राहू येथील बागवस्ती जवळ पाठीमागून आलेल्या दुचाकीवरून दोन अज्ञात चोरट्यांनी त्यांचे सोन्याचे गंठण चोरून नेल्याची घटना घडली होती. त्यावेळी यवत पोलीस ठाण्यात गुन्हा दाखल करण्यात आला होता.
गुन्ह्याचा तपास करत असताना सदरचा गुन्हा वाखारी ता. दौंड येथील सिंदबाद जैन पवार व गणेश पवार यांनी केला असल्याची गोपनीय माहिती यवत पोलिसांना मिळाली होती. वरील आरोपी हे चौफुला येथे आले असता त्यांना चौफुला येथून ताब्यात घेऊन कसून चौकशी केली असता या गुन्ह्याबरोबरच यवत येथील श्रेयस हॉटेल जवळ रामदास शेंडगे (रा. उंडवडी) यांच्या गळ्यातील सोन्याची चैन व अंगठीची चोरी केल्याचा गुन्हा कबूल केला असून सिंदबाद जैन पवार (वय ३०) व गणेश भारत पवार (वय २४, दोघे रा.वाखारी,ता.दौंड,जि.पुणे) यांना ताब्यात घेतले असून आरोपीकडुन दोन्ही गुन्हयातील चोरीस गेलेले सोन्याचे गंठण, सोन्याची चैन व मोटार सायकल असा एकुण २ लाख ६७ हजार पाचशे किंमतीचा मुद्देमाल जप्त करण्यात आला आहे.
सदरची कारवाई पुणे ग्रामिणचे पोलीस अधीक्षक पंकज देशमुख,बारामती अप्पर पोलीस अधीक्षक गणेश बिरादार,दौंड उपविभागीय पोलीस अधिकारी आण्णासाहेब घोलप,बापुराव दडस यांच्या मार्गदर्शनाखाली यवत पोलिस स्टेशनचे पोलीस निरीक्षक नारायण देशमुख,सहाय्यक पोलीस उपनिरीक्षक महेश माने,पोलीस हवालदार संजय देवकाते,गुरूनाथ गायकवाड,अक्षय यादव,रामदास जगताप,पोलीस कॉन्स्टेबल महेंद्र चांदणे,मारूती बाराते,मोहन भानवसे यांच्या पथकाने केली.
Discussion about this post