कष्टकरी समाजाच्या वतीने माऊली ताकवणे यांचा वाढदिवस उस्फूर्तपणे साजरा.

संघर्षनायक वृत्तसेवा पारगाव (ता.०७)

जिल्हा कुस्तीगीर संघटनेचे उपाध्यक्ष व भाजपा पुणे जिल्हा क्रीडा आघाडीचे अध्यक्ष माऊली ताकवणे यांचा वाढदिवस पारगाव येथील राजे संभाजी मित्र मंडळाच्या ओ बी सी कष्टकरी समाजाच्या वतीने दि.४ रोजी मोठ्या उत्स्फूर्तपणे साजरा करण्यात आला.

या वेळी मोठ्या संख्येने नागरिक उपस्थित होते. सामाजिक कार्यकर्ते बापू साळुंखे यांच्या वतीने माऊली ताकवणे यांचा सपत्नीक सत्कार करण्यात आला. व फटाक्यांची आतषबाजी करण्यात आली. उपस्थित सर्वांना स्नेह भोजनाचा कार्यक्रम ठेवण्यात आला होता.
या वेळी बोलताना माऊली ताकवणे भावुक झाले होते. ते म्हणाले समाजसेवा करण्यासाठी कुठल्याही पदाची आवश्यकता लागत नाही. रोज मोल मजुरी करणाऱ्या आज या कष्टकरी जनतेने आतापर्यंत झाला नाही असा मोठा माझा वाढदिवस साजरा केला .हा माझ्या साठी सर्वात मोठा आनंदाचा क्षण आहे. आता निवडणुकीचे वारे चालू आहे.छत्रपती शिवाजी महाराजांनी हिंदवी स्वराज्याचे स्वप्न पाहिले होते.आणि ते खरे करण्यासाठी खऱ्या अर्थाने कोणी मदत केली असेल तर या अठरा पकड जाती व बारा बलुतेदारांनी केली होती. यांनी शब्द दिला तर त्याला यत्किंचितही वाळवी लागू देत नाहीत असे हि त्यांनी बोलताना सांगितले.

या वेळी कार्यक्रमाच्या अध्यक्षस्थानी माजी आमदार श्रीमती रंजना कुल या होत्या.त्यांनी हि मंडळाच्या कार्यकर्त्यांचे कौतुक केले. वैभव राजाराम बोत्रे,रमेश बोत्रे यांनी आपले मनोगते व्यक्त केली.सूत्रसंचालन वैभव अरुण बोत्रे यांनी केले . यावेळी भीमा पाटस कारखान्याचे संचालक तुकाराम ताकवणे, मॅचिंद्र ताकवणे, मारुती बोत्रे,अतुल ताकवणे, तंटामुक्ती अध्यक्ष उत्तम ताकवणे, शामराव ताकवणे,अंकुश शिंदे,जयश्री ताकवणे ,सुनील ताकवणे,विशाल ताकवणे,शरद शिशुपाल,सतीश शिंदे आदी मान्यवर उपस्थित होते.राजे संभाजी मित्र मंडळाचे ,भानुदास बोत्रे, सतीश शिंदे,अस्पक शेख,अर्जुन शिंदे, सुभाष शिंदे,भाऊसो बोत्रे,सारंग कुंभार,विकास शिंदे,निलेश धुमाळ,प्रशांत शिंदे,संदीप शिंदे,अमीर पठाण,उत्तम थोरात,विक्रम शिंदे,गणेश शिंदे,महम्मद शेख,शाम शिंदे,अमोल नारगे, अभिमन्यू शिंदे, धनंजय शिंदे आदी सर्व कार्यकर्त्यानी या साठी श्रम घेतले.